Հյուսիսային պողոտայում աղջիկների վիճաբանությունն ավարտվել է ծեծկռտուքով. կան բերման ենթարկվածներ

Shamshyan.com-ի տեղեկություններով՝ երեկ՝ սեպտեմբերի 16-ին, երիտասարդ աղջիկների մասնակցությամբ ծեծկռտուք է տեղի ունեցել Երևանում:

ՀՀ ոստիկանության պարեկային ծառայության Երևանի գնդի 3-րդ գումարտակի 2-րդ վաշտի պարեկները Հյուսիսային պողոտայից մարմնական վնասվածք հասցնելու կասկածանքով ոստիկանության կենտրոնական բաժին են բերման ենթարկել 3 երիտասարդ աղջկա:

Ինչպես հայտնում է ֆոտոլրագրող Գագիկ Շամշյանը, նրանք են՝ Երևանի բնակիչներ, 21-ամյա Ռուզաննա Մ.-ն, 21-ամյա Զարուհի Դ.-ն, 28-ամյա Անգելինա Հ.-ն:

Դիտեք նաև այս անչափ հուզիչ տեսանյութը..․․

Ըստ նախնական տեղեկությունների՝ Հյուսիսային պողոտայում նշված անձինք կասկածվում են Շիրակի մարզի բնակիչ, 24-ամյա Վիկտորիա Հ.-ին ծեծի ենթարկելու մեջ:

կարմիր բերետ

Աղբյուրի տեղեկություններով՝ որոշ ժամանակ անց, թիվ 1 համալսարանական հիվանդանոցից ոստիկանության կենտրոնական բաժին ահազանգ է ստացվել, որ «քթոսկրի կոտրվածք» ախտորոշմամբ իրենց մոտ է տեղափոխվել Վիկտորիա Հ.-ն:

Բերման ենթարկված աղջիկները հրաժարվել են բացատրություն տալուց, ինչից հետո բաց են թողնվել: Փաստի առթիվ ոստիկանության կենտրոնական բաժնի հետաքննական բաժանմունքում նյութեր են նախապատրաստվում:

Հետաքննիչի որոշմամբ նշանակվել է դատաբժշկական փորձաքննություն: Ոստիկանությունն ունի նաև տեղեկություններ, որ Վիկտորիա Հ.-ն է հարձակվել նշված անձանց վրա: Այդ փաստը նույնպես պարզվում է:

https://bavnews.am/հյուսիսային-պողոտայում-աղջիկների-վի/

Добавить комментарий

Ваш адрес email не будет опубликован. Обязательные поля помечены *