Եթե մի պոստը տվեցիր, հաջորդը չես կարա պահես. Երասխում թշնամու սադրանքներից չեն ընկճվում (Տեսանյութ)

Sputnik Արմենիան գրում է․ Երասխում հայկական դիրքերի ուղղությամբ ադրբեջանցիները գրեթե ամեն օր են կրակում` ամենատարբեր տրամաչափի զինատեսակներից, բայց ո՛չ մեր զինծառայողները, ո՛չ էլ թշնամուց ընդամենը 400-500 մետր հեռավորության վրա բնակվող գյուղացիները խուճապի չեն մատնվում։

Սահակյանների ընտանիքը գյուղի հնաբնակներից է։ Երբ Մարտունուց Երասխ տեղափոխվեցին, Հակոբի 3 որդիներն արդեն ծնվել էին։ Դուստրը ծնվեց Երասխում։

Հակոբն 90-ականներին ակտիվորեն ներգրվված է եղել Երասխի ինքնապաշտպանական մարտերում։ Այսօրվա պես հիշում է` ինչպես ազատագրեցին իրենց տնից ընդամենը 400-500 մետր հեռավորության վրա գտնվող բարձունքը։

Դիտեք նաև այս անչափ հուզիչ տեսանյութը..․․

«1990-94 թթ․ ջոկատում եմ եղել, ջոկատի հրամանատարը եղել է մեր գյուղապետի հայրը, որը հենց սարը գրավելու հաջորդ օրը զոհվեց դիրքում։ Դրանից հետո գնացել ա փոխադարձ կրակոցներ առայսօր»,- Sputnik Արմենիայի հետ զրույցում ասաց նա։

Կրակոցներից այստեղ վաղուց չեն վախենում։ Թշնամուն լավ են ճանաչում. Թուրքիան չլինի` նրանք չեն համարձակվի նույնիսկ մեկ մմ առաջ գալ։

«Ադրբեջանը չի կարող հաղթել հային, ուզում է` 10-ը հոգով մեկի դեմ գա՝ չի կարող։ Հլը թող Թուրքիան իր եղած-չեղածը հետ քաշի, տեսնեմ՝ դա մի օր կդիմանա՞։ Չի՛ դիմանա»,- ասում է Հակոբ Սահակյանը։

Մանրամասները՝ Sputnik Արմենիայի տեսանյութում

https://bavnews.am/եթե-մի-պոստը-տվեցիր-հաջորդը-չես-կարա-պա/

Добавить комментарий

Ваш адрес email не будет опубликован. Обязательные поля помечены *